अधिवेशनाच्या पहिल्याच दिवशी विरोधकांचे आंदोलन, राष्ट्रवादीच्या आमदारांची दांडी

[ad_1]

संबंधित बातम्या

मुंबई, 17 जुलै : आज पावसाळी अधिवेशनाचा पहिला दिवस आहे. पहिलाच दिवस वादळी ठरण्याची शक्यता आहे. काँग्रेस आणि ठाकरे गटाचे आमदार आक्रमक झाले असून, सरकारविरोधात विधानसभेच्या पायऱ्यांवर आंदोलन करण्यात आले. आमदारांकडून जोरदार घोषणाबाजी देखील करण्यात आली. खोके सरकार हाय हाय अशी जोरदार घोषणाबाजी काँग्रेस आणि शिवसेना उद्धव ठाकरे गटाच्या आमदारांकडून करण्यात आली. मात्र या आंदोलनाला राष्ट्रवादीच्या आमदारांनी दांडी मारली. एकही आमदार या आंदोलनात सहभागी झाला नसल्यानं चर्चेला उधाण आलं आहे. काही दिवसांपूर्वीच अजित पवार यांनी राष्ट्रवादीतून बंडखोरी करत आठ नेत्यांसह मंत्रिपदाची शपथ घेतली. या सर्व पार्श्वभूमीवर या अधिवेशनाला विशेष महत्त्व प्राप्त झालं आहे. राष्ट्रवादीचे आमदार काय भूमिका घेणार याकडे आता राज्याचं लक्ष लागलं आहे. अधिवेशनाच्या पहिल्याच दिवशी काँग्रेस आणि शिवसेना ठाकरे गटाकडून जोरदार आंदोलन करण्यात आलं. मात्र या आंदोलनात राष्ट्रवादीचा एकही आमदार सहभागी झाला नाही.

Monsoon Session 2023 : अधिवेशनाचा पहिला दिवस ठरणार वादळी; विरोधकांकडून आंदोलनाला सुरुवात

अजित पवार गटानं घेतली शरद पवारांची भेट

दरम्यान त्यापूर्वी काल अजित पवार गटाच्या सर्व मंत्र्यांनी राष्ट्रवादीचे अध्यक्ष शरद पवार यांची भेट घेतली होती. अधिवेशनाच्या पूर्वसंध्येला अजित पवार यांनी शरद पवार यांची भेट घेतल्यानं या भेटीची जरोदार चर्चा होती. आम्ही शरद पवार यांचे अर्शिवाद घेण्यासाठी आलो होतो, अशी प्रतिक्रिया या भेटीनंतर प्रफुल्ल पटेल यांनी दिली.

मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.